Mrs. Field Cookies+紅莓曲奇(附食譜)

非常之無聊就係下午整左Mrs. Field Cookies

但到左夜晚~媽已經分晒Mrs. Field Cookies比人
明天佢話要再拎d走所以再整了紅莓曲奇比佢
最後攪到冇飯開-,-要食外賣......完成時都已經十一點

紅莓曲奇

材料：
無鹽牛油 11-克
糖粉 50克(我自己減到40克,因50克我覺太甜)
紅莓碎 35克
低筋麵粉 150克


製作：
1. 牛油回到室溫， 把牛油攬成乳霜， 糖粉分兩次篩入。
2.加入紅莓碎 。
3. 慢慢篩入低筋麵粉， 拌勻。
4. 準備一張硬咭紙 。
5.  將麵團分成兩份， 包上保鮮紙，卷成圓柱型，再用硬咭紙卷，再用橡根固定。
6. 放入冰格大約半小時。
7.取出， 切成7-8mm厚。
8. 用170度烤15-20分鐘至金黃色。

日本棉花蛋糕(附食譜)

好樣衰呀~>.<
切得好樣衰~我只係跟食譜一半份量去整~

日本棉花蛋糕
材 料： ( 份量 : 長方型焗盆 13.5 x 9.5 吋 )

 無鹽牛油 (室温) 60克    低筋粉 (篩好)  80克    淡奶 / 牛奶 80ml (80克)    

雞蛋 (全蛋)  1隻   蛋黃 5 隻    蛋白   5隻   砂糖   90克  鹽 ~ 少許          

做 法：   

(1) 首先將焗爐預熱 160 度火 / 15分鐘 及 將低筋粉 (篩好) ~ 備用 。

(2) 將室温無鹽牛油放入煲內以 (慢火) 煮滾後 (熄火) 。

(3) 然後加入巳篩好低筋麵粉落去攪 (拌勻)，再加入淡奶 + 1 隻全蛋 + 5 隻蛋黃 ~ 慢慢用木棍攪拌

       麵糊至完全混合滑身 及 無粒狀 ~ 備用 。

(4) 將 5 隻蛋白放入另外一個缸內用電動打蛋器打發至起泡 。

(5) 然後加入鹽 + 砂糖 ( 分3次加入 ) 落去打至呈現 < 角狀 > 即可 。

(6) 將麵糊材料加入蛋白糊內 ~ 膠挖用 Fold-In 形式輕輕 (混合) 至均勻，然後倒入已預先舖上牛油紙

      的焗盆內，雙手提起焗盆在桌上輕敲一下使空氣排出 。

(7) 放入焗爐內 (中層) 从 160度火 / 焗15 分鐘，再轉140度火 / 再焗5分鐘 ~ 出爐。

(8) 然後馬上將焗盆取出 及 倒扣焗盆放在鐵架上 ~ 待涼  <<  因每個焗爐火力不同 >>

(9) 將侍涼好蛋糕切成兩片，然後搽上奶油忌簾將它夾起 (即可)

英式鬆餅 Scones(附食譜)

今天的大作英式鬆餅 (Scones)~媽媽叫我整的

跟住我就去了"夏水禮" ~~終於都落水啦~好開心~

材料 : (份量 5-6個小型)

牛油          50 g

自發粉       140 g

鮮奶          56 g

提子乾        30 g

鮮奶 (掃面用)     1 湯匙

 

做法：

(1) 預熱焗爐200oC，篩自發粉。

(2) 將牛油切粒狀放在大碗內，再加入已篩過自發粉。用手指將自發粉和牛油混合一起成餅碎狀，再加入提子乾。

(3) 將碎牛油粉粒撥開一個中心，倒入鮮奶，混合成一個軟粉糰。

(4) 將軟粉糰放在桌面，用木棒壓開成2cm 厚度。

(5) 用圓形切割器分成5-6 份，再用1 湯匙鮮奶掃面，200oC 焗大約15 分鐘。

**如果無圓形切割器, 大可用手搓成圓形粉糰 <轉自:Connie媽>

7月8 Car Show

辛苦左咁多日~呢一日(7月8日)來了......
之前一晚(星期六)我一個人重OT 到10幾先有得走

自己公司野已經做好野~要幫人地手做D唔關自己事既野

一早九點幾去到~執好場既野之後就休息同影相
比想像中更辛苦(34度)~又熱又曬~只係想懶洋洋咁坐係道
人流都比想像中小好多~但都OK~都好開心~
由於太熱~我只係幫公司影左相之後就冇四圍走

車前本書係我嘔血之作~!!(係激到嘔血)

公車的大細寶貝~一齊合照

車仔細細~(1:10RC CAR) 收視率都好高

當日重有HI - JET RC 遙控車比賽

冠軍啫喱魚

亞軍Fanta

季軍傑佬

地中海餐廳

貪新鮮去左"朗豪坊"呢呢間"地中海"
等位既人唔多~但次次比既都係2人位~
所以我地一行3人都等左差唔多大半小時先有位
入到去就叫野食......頭盤好快上枱~諗住食完重可以行下陣先走
點知ZZZZ...ZZZzzzZzzzzzzzzzzzzzz..........
再等多半小時先上第一個主菜......我開始留意其他人客
哥哥食完佢個飯之後好快咁有人黎問我地飲咩
我 : 黎左一個餐咋~遲d先啦~等我地食埋就會叫野飲
再過多5分鍾又黎問~哥哥望左佢一眼再問佢係你咪吹我地走
又過多5分鍾~又問....我反問佢~你想點呀~
又再過多5分鍾~佢用...借問3位想飲咩......我已經火火地同佢講~冇野想飲
我留意到我地後面個枱客已經換左3次人
打算埋單走個陣~條由又黎......唔知3位想到飲咩未~我地最後柯打
我答 : 好!唔該埋單~　條由呆左　我話：係呀埋單～快呀！唔該！
條由一轉身行左３步到～我地既主菜黎啦．．．算啦食埋咪走囉
點知真係想叫野飲既時候一個人都冇～唔理我地　
叫左野飲之後～好快咁上埋甜～玥接住比叫我地埋單
我比張信用咭佢啦～跟住條由立即放低張單走左～
我咪拎埋ｄ野行埋收銀比佢囉．．收銀個又望住我～
我答：信用咭黎架～係咪未見過定唔知咩黎～
跟住收銀好快手咁攪好晒野比我地走～跟住個兩條由黑口黑面咁送我地走
好地地一餐飯～由等到食用左兩個半鍾～Ｄ野重要唔好食～重要阻人打烊

頭盤

＜燒春雞天使麵＞最好食呢個

＜香草白汁海鮮天使麵＞得Ｄ奶咪冇香草味
＜白汁焗龍利柳飯＞最難食＋最快到＋最冇成意之作

＜朱古力芝士雲石蛋糕＞好酸同有小小苦澀

合桃曲奇(附食譜)

由於媽媽是不食蛋~所以整左D冇蛋既曲奇
焗左兩底~淡色D個底係第二底(我鍾意多D)

合桃曲奇

材料：
無鹽牛油 225克
糖粉 100克
香草油 小許
牛奶 20毫升
碎合桃 65克
低筋麵粉 300克
白紗糖 適量

製作：
1. 牛油回到室溫， 把牛油攬成乳霜， 糖粉分兩次篩入。
2. 加入香草油， 徐徐加入牛奶。
3. 加入碎合桃。
4. 慢慢篩入低筋麵粉， 拌勻 。
5. 準備一張硬咭紙。
6. 將麵團分成兩份， 包上保鮮紙，卷成圓柱型，再用硬咭紙卷，再用橡根固定。
7. 放入冰格大約半小時。
8. 取出， 撤上白紗糖， 切成7-8mm厚。
9. 用170度烤15-20分鐘至金黃色。

(我只用左一半材料已經整左48塊~我重冇加牛奶~同改左用紅糖)

Anya Hindmarch (I m Not A Plastic Bag)

呢個袋一出書就已經好想買~
我真係考慮過去排隊......但想想下
要7月5日下午出去開始排隊就唔願意
一早哥哥去到The Landmark 送貨見到咁多人就打電話比我
阿妹~The Landmark 比人圍左兩個圈@0@
再在網上討論區睇睇~好多人都話7月5日下午已經派籌
但又冇人公佈咁咪對The Landmark 夜晚排D好唔公平囉
排左一日通宵先知原來係買唔到既
7月6要再去排隊買個袋~再細心想想好似唔係好值得
為個袋要排兩日隊一D都唔值留番D時間好過
都係個句~比D大公司玩死